بتاع بوسطات

أي كاتب محتوى أو copywriter بيتضايق من حاجتين: البريف اللي مش كامل، وحد يقول عليه: "بتاع بوسطات"ودة لأن أي حد ممكن يكتب بوست بس مش أي حد يبقى كوبي رايتر 

1- بيلعب بالكلام بس مش بياع كلام:
الكلام لعبة أي كوبي رايتر، يقدر يقنعك باللي هو عايزه ويخليك تاخد الـ Action بكلمتين بس
دة مش معناه انه نصاب أو بيقول أي كلام، هو بس بيعرف يدخلك من ثغراتك 

2- ولا بيخاف من الدنيا بحالها:
لازم يبقى قلبه جامد، يركب تريندات.. عادي! يطلع أفكار نجاحها مش مضمون.. وماله!
يقول "إفيه" مش متوقع.. دي لعبته!
من الآخر أحمد السقا كدة في نفسه ميخافش ياخد الـ Risk في أي خطوة 

3- عااااشق للتفاصيل:
الكوبي رايتر كل حركة بتحصل قدامه بيدرسها ويفصصها ويحللها
لأن بالنسباله الـ Data كنز، وكل معلومة يطلع منها ب100 فكرة 

4- صاحب بالين، أو تلاتة أو خمسة ومش كذاب:
ودة لأن الكوبي رايتر مبيقفش عند الكتابة، هو بيذاكر، بيتفرج، بيتخيل، بيذاكر تاني، ويكتب