الكوبي رايتر وال Creative block
في صباح يوم خميس في أحد الاجتماعات اللي بتجمع الـCreative team
سأل الـ Account manager عن كاليندر الشهر، عادي..
في لقطة درامية رجع الـCopywriter ضهره ورا وكرمش وشه وقال بحزن: "أصل أنا عندي Creative block"
ما هو الـ Creative block عزيزي؟
Creative block هو حالة بتيجي لأي حد شغلته محتاجة أفكار، وهي حالة من "فقر المحتوي" بيحس فيها الشخص إحساس: "أنا هعمل أيه!" لأنه مش قادر يطلع بأي فكرة يكمل بيها الـ Project
أحب أطمنك عزيزي القاريء ان دة عادي، وبتحصل وهتحصل ولازم تحصل، لأن دماغك مش آلة، ومحتاجة وقت ترتاح وتفصل عشان تقدر تكمل وتطلع أفكار جديدة
طب تتعامل إزاي مع حالة الـCreative block
أكيد ليها حل يعني مش هنقعد كدة
- خد Break وافصل: بأي حاجة بتحبها أو مبتحبهاش مش مشكلة، المهم تبعد حتى لو كنت هتقعد لوحدك
- اسأل نفسك "ليه": - بغض النظر عن الـ Client وا لـ Account manager اللي واقف فوق دماغك- بس انت عايز تكتب ليه؟ عايز تعمل الـ Design ليه؟
- اكتب كل حاجة وأي حاجة، مرتبطة بفكرتك أو مش مرتبطة، المهم تفضي دماغك
- فكر جوا الصندوق، أنا عارف انك متعود تقراها "برة الصندوق" بس هل أنت جربت تشوف جوا الصندوق الأول في إيه؟ مش يمكن تلاقي حاجة
- فكرنا خلاص؟ نرجع بقى للشغل
اعمل أول Draft لفكرتك وفضي كل دماغك فيه، وخليك فاكر انه Draft يعني مش شرط يعجبك احنا لسة هنعدل
- افصل مرة تانية وارجع للـ Draft، وابدأ الـ Editing هتلاقي أفكار كتير نورت في دماغك ووصلت لأحسن شكل للفكرة
